Hindi galing kay presidential candidate Leni Robredo ang pahayag na traydor umano ang mga Barzaga. Wala ring record na sinabi ito ni Robredo sa kahit anong interview o maski post sa kaniyang social media accounts.
Noong Abril 12 ay nag-post sa kaniyang opisyal na Facebook account si Dasmariñas City councilor Kiko Barzaga ng isang larawan ni Robredo na may katabing pahayag kung saan initiman ang isang bahagi upang hindi madaling mabasa. Nagmukhang si Robredo ang nagsabing, “Barzagas are f****** traitors whole family of idiots who supports [sic] dynasties of murderers.”
Pero kung titingnang mabuti ang pahayag sa larawan, makikita na ang initimang bahagi ay nagsasabing, “Comment on reddit.com by u/whydobearsbark.” Nakatabi rin sa pangalan ni Robredo ang salitang “SUPPORTER.”
Read the full story on ABS-CBN Fact Check.