Ayon sa isang post, nilangaw umano ang campaign rally ni VP Leni Robredo sa La Union. Dagdag pa ng poster, pinatunayan daw nito na totoo ang Solid North. Ito ay misleading. Ang larawan sa nasabing post ay hindi rally ni Robredo kundi ang Rosas Ti Ayat Music Festival noong gabi ng Abril 12. Ang itaas na bahagi rin ng larawan ay manipulado o edited. Umaga ginanap ang rally ng Bise Presidente sa South Luzon College sa La Union na dinaluhan ng maraming tagasuporta.
7:00 AM ng Abril 12 ang schedule ng campaign sortie ni VP Leni Robredo sa South Luzon College sa San Fernando City, La Union kasama ang iba’t ibang kaalyado. Samantala, 6:00 PM hanggang 9:00 PM naman ang Rosas Ti Ayat Music Festival na inorganisa ng mga tagasuporta ni VP Leni at ginanap sa City Plaza ng San Fernando. Hindi dumalo sa pagtitipon na ito ang Bise Presidente.
Read the full story on #PakCheck by e-Boto.